औरंगाबाद : बालहट्टामुळे अंतिम वर्ष परीक्षा संदर्भात ठाकरे सरकार व मंत्री उदय सामंत हे सर्वोच्च न्यायालयात तोंडावर पडले आहेत. राज्य सरकारने राज्यातील विद्यार्थ्यांचे भविष्य सोबत खेळ चालवला आहे. यामुळे अभाविप उच्च व तंत्रशिक्षण मंत्र्यांचा राजीनामा घेतल्याशिवाय स्वस्थ बसणार नाही, असा इशारा अभाविपचे प्रदेश मंत्री स्वप्नील बेगडे यांनी दिला आहे.

मराठवाड्यातील अन्य बातम्या वाचण्यासाठी यावर क्लिक करा..!

अंतिम वर्ष परीक्षा संदर्भात उदय सामंत विद्यार्थ्यांमध्ये संभ्रम निर्माण करत आहेत. विद्यार्थ्यांचे आरोग्य हित लक्षात घेता विद्यापीठ अनुदान आयोगाने सुचविलेल्या परीक्षा पद्धतीने परीक्षा येत्या काळात घेण्यात याव्यात. प्रथम व द्वितीय अभियांत्रिकीच्या तृतीय वर्षाच्या विद्यार्थ्यांचे परीक्षा शुल्क विद्यार्थ्यांना परत करावे, राज्यातील सर्व महाविद्यालय, अभिमत विद्यापीठे, खाजगी विद्यापीठे तसेच शासकीय विद्यापीठांचे ३० टक्के शैक्षणिक शुल्क राज्य सरकारने माफ करावे. चुकीच्या लागलेले निकालांचे तात्काळ पुनर्मूल्यांकन करण्यात यावे, खाजगी विद्यापीठाच्या शुल्कावर नियंत्रण ठेवण्यासाठी राज्य सरकारने कायदा करावा किंवा खाजगी विद्यापीठे शुल्क निर्धारित समितीच्या अंतर्गत घेण्यात यावी.

औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा.

सिल्लोडचे आमदार आणि राज्यमंत्री अब्दुल सत्तार यांनी निवडणुकांमध्ये आपल्या आवेदन पत्र दरवेळी वेगवेगळी शैक्षणिक अर्हता दर्शवली आहे. त्यामुळे श्री सत्तार यांनी निवडणूक आयोग व जनतेची दिशाभूल केली आहे. याविरोधात अभाविपने जिल्हाधिकारी यांच्याकडे तक्रार केली आहे. जर अब्दुल सत्तार यांना जिल्हाधिकारी यांनी अपात्र ठरवले नाही तर, राज्य निवडणूक आयोगाकडे तक्रार करणार असल्याचे स्वप्नील बेगडे यांनी सांगितले. यावेळी महानगर मंत्री तुषार साळुंखे उपस्थित होते.

देशभरातील महत्त्वाच्या बातम्या वाचण्यासाठी येथे क्लिक करा

विद्यापीठात आज धडक मोर्चा
अभाविप विविध मागण्यांसाठी महाराष्ट्रभर आंदोलन करत आहे. त्याच अनुषंगाने डॉ. बाबासाहेब आंबेडकर मराठवाडा विद्यापीठात सोमवारी (ता. ३१) धडक मोर्चा काढण्यात येणार आहे. असे स्वप्नील बेगडे यांनी सांगितले.

(संपादन-प्रताप अवचार)